Utstillingsopning eller konsert - eller begge delar!

Om

Velkomen til norsk-amerikansk sundag på museet i Morgedal!

Denne dagen byr me på både utstillingsopning og konsert, med høve til å ete middag i mellom.

Du kan anten delta på alt, eller velje det du finn mest interessant.

 

Utstillingsopning kl. 14.00

SKY CRASHERS - BRØRNE HEMMESTVEIT OG AURORA SKI CLUB

Historia om to kongepokalvinnarar frå Morgedal som var med på å starte den internasjonale hoppsporten i Amerika.

Innlegg ved Torjus Sandåker og Tilman Hartenstein. Omvising i utstillinga.

Utstillingsopninga er gratis.

 

Høve til å spise middag i museumskafeen mellom tilstellingene, med lammeskank, røye eller viltkarbonade på menyen!

 

Konsert kl. 16.00

LAURA ELLESTAD OG OTTAR KÅSA: HARDINGFELA I NORD-AMERIKA
Opplev eit møte mellom den norske og den amerikanske hardingfeletradisjonen!  Emigrantane til USA tok med seg si norske kulturarv – og hardingfela. I konserten vil Kåsa og Ellestad utforske den rike tradisjonen av slåttemusikk i både Noreg og Amerika med spesielt fokus på korleis det norske spelet har utvikla seg vidare «over dammen».

Ottar Kåsa er norsk hardingfelespelar og prisløna felemakar frå Arabygdi. Han er utdanna felemakar frå Ole Bull Akademiet på Voss. Musikkutdanning har han frå Folkekulturstudiet i Rauland. Laura Ellestad kjem opphavleg frå Canada, men har røter frå Ellestad i Valdres. Ho er både hardingfelespelar og forskar og underviser i folkemusikk på USN. No er ho òg den første folkemusikaren som har disputert for doktorgrad ved Noregs musikkhøgskule.

Konserten er eit samarbeid med Sørnorsk folkemusikksenter.

 

Inngang konsert: 200,-

Halv pris med museets årskort for 2026