Seljord hestesenter

Om

Ta kontakt for å avtale ridetimar, weekendkurs eller rideleir. Ope heile året.

Seljord Hestesenter anno 1995 er ei familiebedrift som tilbyr ridetimar for ryttarar på alle nivå. Mange gode ryttarar har starta med weekend-kurs, rideleir og skuletimar hjå familien Høgetveit der alle er utdanna, autoriserte rideinstruktørar med lang og brei erfaring. Dei utfører også hovslaging, unghest-temming og hestekøyring. Som ryttar vil du bli tildelt ein hest eller ponny som passar deg, og få instruksjon i trygge rammer inne i ridehallen eller ute på ridebanen. Til saman er det 20 hestar på hestesenteret. Det er også mogleg å ha med eigen hest etter avtale. Du finn stall, utvendig ridebane, og område for utegang på garden. I 2018 står ein ny ridehall ferdig med tribune, varmestoge, kjøkken, dusj, toalett og overnattingsplassar.

For dei over 10 år er det mogleg å overnatte i enkle hytter eller rom med felles kjøken, dusj og toalett. Born under 10 år kan vera dag-gjester. Nedre aldersgrense for instruksjon er 1. klasse. Under weekendkurs og rideleir er det felles brødmåltid i tillegg til eit varmt måltid til dagen.