Kurs i skifertekking for handverkarar

Om

Skifertekkingskurs for handverkarar

Bygningsvernstenesta inviterer i samarbeid med handverkar Thomas Sandvik Jakobsen til skifertekkingskurs i Kviteseid 12., 13. og 14 mai.

Kurshaldar er Odd Arne Rudi frå Øystre Slidre i Valdres. Odd Arne har lang erfaring med skifertekking, og han har halde mange kurs både i sitt eige område og rundt omkring i landet. Det var skiferbrudd fleire stader i Noreg, også i Vestfold, men i Telemark var det ingen skiferbrudd som leverte takskifer. Her blei skiferen importert mellom anna frå Valdres. Skifertekking på den tradisjonelle måten er ein kunnskap og ein kompetanse som me etter kvart ikkje har mykje att av i fylket. Det er eit behov i Vestfold og Telemark for fleire handverkarar som har slik kunnskap og som både kan reparere og tekke skifertak. Skifertekking er ein svært varig tekkingstype og den høyrer heime på mange tak i vårt fylke.

I samband med kurset vil det bli arrangert ein kveldsvandring i Kviteseidbyen og eit kveldsforedrag med Odd Arne Rudi.

På kurset vil Odd Arne gå igjennom skadeårsakar, utmåling, reparasjonsmåter og nytekking med skifer. I tillegg vil det på kurset og føredraget tas opp tema som:

Verktøy, festemidlar, material og materialkvalitet

Skifertyper og kvalitetar

Undertakstyper

Historikk. Gamle og nye teknikkar

Reparasjonsmetoder og det å skifte delar av tak. Kvifor ikkje byte heile taket?

Snøfangarar

Takrenner og blikk

Kurset er retta mot handverkarar. Det er plass til åtte deltakarar. Kursdeltakarar må sjølv halde seg med ordinært verneutstyr, som hjelm, vernesko, hanskar og briller. Sikkerhet og sikkerhetstiltak blir gjennomgått før oppstart av arbeid på stillas. Odd Arne har med seg skifertekkingsverktøy for sal.

Kurset blir halde på taket til Fru Ruud i Kviteseidgata 29 og er gratis. Deltakarar tar sjølv med seg niste eller avtalar seg imellom om lunsj på ein lokal kafé.

Fredag 12. mai kl. 0800-1600

Lørdag 13. mai kl. 0800-1600

Søndag 14. mai kl. 0900-1400

 

Påmelding innan 2. mai til Trond Arild Pedersen, Bygningsverntenesta i Telemark.

E-post: tap@vtm.no, mobil 468 86 138.

Andre førespurnader, t.d. om overnatting, rettast til Thomas Sandvik Jakobsen.

E-post: thomas_san_jak@hotmail.com, mobil 986 41 431.