Joleope på Holm Landhandel

Om

JOLEOPE
Holm landhandel
Holmsvegen 102, 3690 Hjartdal
Ope 12:00-16:00
Det blir jolestemning med glødande bålpanne, glitrande juletre, gløgg og uimotståeleg duft frå kjøkkenet. Sindre A. Larsen og Marit Warberg Vestheim opnar for full musikk med minikonsert 12:30.
I landhandelen vil du kunne kjøpe lokalproduserte jolegåver til små og store, det blir joleaktivitet for born, pepperkakebakst og jolepyntlaging. Lokale bøker som flotte jolegåvealternativ.
Kulturlandskapsskulen
Rogrendvegen 13, Hjartdal (150 m frå Holm Landhandel)
Forteljarkonsert 16:15
Det blir songar og segner knytt til jul i Hjartdalsbygdene og andre bygder me kan likne på. Både av kristen og meir blanda karakter. I fjor hadde Ingvill Marit Buen Garnås med seg dei unge elevane i Kvedarklubben, i år blir det ein konsert med rom for meir stoff for vaksne. Nokre av dei gamle historiene er kan hende litt i skumlaste laget for dei yngste.
Inngang: Kr. 100,-. Det er ca. 40 plassar. Vil du sikre deg plass, kan det vera lurt å førehandstinge billett innan 5. desember på sms 971 87 758. Billettane betalast anten med vipps til 749 661 eller kontant i døra.
Konserten er i regi av Kulturlandskapssenteret, som ligg langs Sogevegen og tek del i nettverket Mytiske Telemark.