Seljord - Kviteseid via Telemarkskanalen

Om

Praktisk informasjon

• Vanskelegheitsgrad: Krevjande
• Distanse: 74,4 km
• Tidsbruk: 7 timar
• Terreng: Asfalt/grus
• Passar for: Vaksne/el-syklar
   

Turbeskrivelse

Dette er ein flott rundtur som kan starte både i Seljord og i Kviteseid sentrum. Turen tar deg gjennom eit vakkert og variert landskap, og du kan kikke etter den myteomspunne sjøormen i Seljordsvatnet og nyte den flotte opplevinga å sykle langs Telemarkskanalen. Ta deg tid til å sykle ned til kanalbrygga når du kjem til Fjågesundbrua. Her er det tilrettelagt for overnatting for syklistar og padlarar i det gamle pakkhuset. Planlegg gjerne ei natt her. Dersom soveboksen skulle vera opptatt er det plass til å setje opp telt ved sidan av. Det er tilrettelagt med toalett, straum, senger og ein liten kjøkkenbenk. Ta med mat og sovepose.

Ønskar du å gjera sykkelturen til ei endå større oppleving, så kan du ta delar av turen på ein av kanalbåtane. Det er mogleg å ta kanalbåt frå Fjågesund brygge ved å bestille billettar på førehand på telemarkskanalen.no eller ringe bookingtelefonen i god tid før
påstiging, slik at dei kan køyre innom: Tlf + 47 409 200 00. For påstiging ved Kviteseid brygge, sjå rutetabell på telemarkskanalen.no.