Følg oss...

Eventyrøy Aktivitetspark

Opplev Eventyrøy Aktivitetspark – ein familievenleg møteplass full av aktivitetar og opplevingar for både små og store. Her kan du bade, gå tur, prøve klatrestativet, nyte varmen i badstoga eller ta ein pause i gapahuken og dagsturhytta. Med flotte uteområde og eit variert tilbod av idretts- og treningsaktivitetar er Eventyrøy ein perfekt stad for ein aktiv og triveleg dag i Seljord.

Ting å gjere på Eventyrøy

Eventyrøy sauna

Eventyrøy Sauna er en badstue som ligg heilt nede ved vatnet på Eventyrøy. Eit lunt og rolig sted for avkobling, varme og gode opplevelsar. Her kan du senke skuldrene, finne roa og nyte ei hyggelig stund i varme omgjevnader
Padel Seljord

I Seljord kan du spele padel i flotte omgjevnader – ein sosial og fartsfylt aktivitet som passar for både nybyrjarar og erfarne spelarar. Her finn du to padelbaner, perfekte for ein aktiv pause saman med familie eller vener.
Sentrumsvegen

Opplev Seljord til fots eller på hjul langs den flotte turvegen som går gjennom sentrum og tett på Seljordsvatnet. Turvegen startar ved Dyrskuplassen og går forbi Sjøormen Kro, vidare langs vatnet forbi Skutevollen og gjennom vakre Eventyrøy.

Fleire aktivitetar på Eventyrøy

På Eventyrøy er det lagt til rette for aktivitet, leik og fine dagar ute for både små og store. I tillegg til badstoge, dagsturhytte, padel og turvegar finn du fleire aktivitetstilbod samla på området.

Her kan barna utfordre seg i klatreanlegget, medan større barn og vaksne kan ta ein runde på volleyballbana eller fotballbana. For deg som ønskjer litt ekstra aktivitet, finn du også treningsapparat som er fritt tilgjengelege utandørs.

På varme sommardagar er badestranda ein naturleg møteplass. Her kan du ta deg ein forfriskande dukkert, leike ved vatnet eller berre nyte dagen. Med mange ulike aktivitetar på same stad er Eventyrøy eit fint utgangspunkt for ein aktiv dag i Seljord – anten du kjem med familien, vennegjengen eller berre vil nyte litt tid ute.