Solveig Muren Sanden 100 år

Om

Solveig Muren Sanden (bilete teke av Tone Tveit) er ein av Noregs mest kjende kunstnarar. Kven har ikkje sett Smørbukk, Tuss og troll, julehefte eller ungdomsbøker med teikningar av Solveig? Ho var frå Vrådal, født i 1918, og viste tidleg kunstnarisk talent. 14 år gamal sendte ho si første teikning til Norsk Barneblad (bilete). Ho blei inspirert av den berømte norsk-danske teiknaren Louis Moe som hadde hytte i Vrådal, og byrja å studere på akademiet – inntil krigen kom.
Det blei ikkje noko kunstnarkarriere utanlands, men ho blei ein folkekjær teiknar i etterkrigstida. Kring 1960 overtok ho «Tuss og troll» og «Smørbukk» (bilete) i Norsk Barneblad og held på med dei i fleire tiår, i tillegg til å illustrere tallause hefte, bøker og postkort.