Temakveld: Kulturminne i utmark

Om

Kulturminne i utmark. Kva kan vi sjå og kva representerer dei?

Velkomen til temakveld på Vest-Telemark museum i Eidsborg. Kveldens føredragshaldar er Ragnar Orten Lie, prosjektkoordinator i fylkeskommunen med ansvar for metallsøk og Vikingfylket Vestfold og Telemark.

Utnyttinga av ressursar i utmark har vore omfattande. Dei siste 2000 åra har særleg produksjon av jarn, tjøre og kol, uttak av bryne- og kleberstein, jakt og fangst etterlatt avtrykk. Med fylgjer ferdsel og behov for organiserte transportårer.

Kva ser arkeologane etter når dei registrerer kulturminne i utmark? Kva kan ein lokalhistorikar, ein jeger eller ein turgåar sjå etter og kva kan ein gjere?

Kva form og plassering har dei forskjellige kulturminna og kva samanheng kan vi setje dei inn i?

Eit mål med kvelden er å svare på spørsmål om kva ein privatperson med interesse for lokalhistorie og arkeologi kan sjå etter. Vi konsentrerer oss her om kulturminnene frå jarn- og mellomalderen (500 f.Kr – 1537 e.Kr).

Start: Kl. 18.00

Inngang: Gratis

Sal av kaffi og kake.

Arr: Fylkeskommunen, VTM og lokalstyret i Eidsborg.