Ballongfararsteinen

Om

I november 1870 var Paris under beleiring av Preusiske styrkar. Paris var avskore frå omverda, og for å få ut livsviktig kommunikasjon til franske militære styrkar bak dei preusiske linjene, brukte dei varmluftsballongar. I slutten av november 1870 blei ein ballong sendt opp frå Paris. Ballongen blei tatt av ein kraftig vind. 15 timar seinare hoppa to franske ballongfarerar ut i eit snødekt landskap på Lifjell i Telemark. Den første luftferda over Noreg var eit faktum.

I dag er det ein tursti hit som passa for alle aldre og aktivitetsnivå.

Praktisk informasjon

• Distanse: 2,6 km
• Tid: 30 min
• Vanskelegheitsgrad: Enkel
• Bomveg: 100 kr

Om turen
Ein lett tilgjengeleg tur som passar godt for både barnefamiliar og dei som ønskjer ein kort tur med utsikt og historie.

Frå parkeringsplassen øvst i Stigfjellet (ved enden av vegen) startar du på grusveg. Etter nokre hundre meter tek du av til venstre på merka sti som du følgjer oppover til du kjem til Ballongfararsteinen. 

Her ligger også ein flott dagsturhytte som det er fult mogleg å nytte seg av. 

Alternativ rute:
For dei som ønskjer ein lengre og brattare tur, går det òg ann å gå frå botnen av Stigfjellet. Då blir ruta betydeleg lengre og brattare, og passar for dei som likar litt lengre turar.

Slik kjem du deg til Ballongfararsteinen
Køyr frå Seljord sentrum langs rv 36, avkjørsel til Strond-gardane (Stigfjellvegen) ca. 10km frå Seljord sentrum. Følg så Stigfjellvegen forbi garden Strond. Her er det skilta til Ballongfararsteinen. Følg vegen vidare forbi garden Manheim og heilt inn til parkeringa (6-7 km frå rv. 36).  Flott utsikt mot Seljord og Seljordsvatnet på veg oppover.

Kart finn du i turistinformasjonen eller ved å laste ned Fintur-appen!